Aðalfundur 22. janúar
Aðalfundur Siglingafélags Reykjavíkur – Brokeyjar verður haldinn í húsnæði félagsins í Nauthólsvík þ. 22. janúar kl. 18:00.
Atkvæðisrétt á fundum félagsins og kjörgengi hafa allir skráðir félagar sem greitt hafa tilskilin gjöld.
Stjórn er skipuð fjórum einstaklingum og formanni og er kosið um tvo stjórnarmenn árlega og sitja þeir til tveggja ára. Formaður er kjörinn til árs í senn.
Dagskrá aðalfundar er eftirfarandi:
1. Setning aðalfundar og kosning fundarstjóra og fundarritara.
2. Skýrsla stjórnar lögð fram.
3. Skýrslur nefnda lagðar fram.
4. Reikningar lagðir fram og útskýrðir.
5. Umræða um skýrslu stjórnar, nefnda og reikninga.
6. Reikningar bornir upp til samþykktar.
7. Lagðar fram tillögur að lagabreytingum og bornar undir atkvæði.
8. Kosning formanns.
9. Kosning tveggja meðstjórnenda sem eru með tveggja ára kjörtímabil og tveggja varamanna sem skipta með sér verkum.
10. Kosning tveggja skoðunarmanna.
11. Ákvörðun félagsgjalda.
12. Önnur mál.
13. Fundarslit.
Við hvetjum félagsmenn til að taka virkan þátt í starfi félagsins og bjóða fram krafta sína í stjórn eða nefndastörf á komandi starfsári.
Þeir sem vilja bjóða sig fram til stjórnar eða formanns geta tilkynnt framboð með því að senda tölvupóst á [email protected].
Það er samt ekki skilyrði fyrir framboði að tilkynna það fyrirfram og vel hægt að bjóða sig fram á fundinum sjálfum.
Tillögur um lagabreytingar skulu hafa borist til stjórnar eigi síðar en viku fyrir aðalfund. Þær öðlast gildi ef þær eru samþykktar með 2/3 greiddra atkvæða. Auðir og ógildir seðlar teljast ekki með.
Siglingakveðja,
Stjórn Siglingafélags Reykjavíkur - Brokey
