Íslandsmót í kjölbátasiglingum verður haldið í Reykjavík helgina 6.-8. ágúst næstkomandi. Smellið á 'nánar' til að skoða tilkynninguna. 

Fyrirkomulag varðandi mat og verðlaunaafhendingu verður nánar kynnt síðar á þessari síðu.

Hér eru nokkrar myndir frá Kjartani á Sigurvon.

Sumarmót Brokeyjar í kænusiglingum fór fram á laugardaginn í glaðasólskini og léttum byr. Keppt var í fjórum flokkum: Optimist A og B, Topper Topaz og opnum flokki. Baldvin Björgvinsson stjórnaði keppni frá dekkinu á stærstu skútu flotans sem tók sig vel út úti á miðri Nauthólsvík.

Áhorfendur og keppendur nutu veðurblíðunnar og veitinga úr nýju hellulögðu stúkunni við Brokeyjarhúsið. Þaðan var raunar hægt að fylgjast með tveimur íþróttamótum í einu: siglingakeppni úti á sjó og strandhandbolta í fjörunni. Brokeyjarforeldrar stóðu vaktina við grillið.

Smellið á 'nánar' til að skoða úrslitin og fleiri myndir

Áhöfnin á Dögun setti keppendur á námskeið í myndmennt. Verkefnið var að teikna ... nú hvað nema Dögun? Til þess þurfti að sigla fjóra samsetta þríhyrninga. Áhafnirnar fengu sléttan sjó og léttan vind til að geta vandað sig sem mest. Verkefnið var greinilega verðugt og lá misvel fyrir áhöfnum. Enda kom á daginn að áhafnir skiptust á sætum. Fólk dreif að Sólfarinu til að dást að þessum drátthögu og fögru áhöfnum á þessum fallegu skútum. Flestar áhafnirnar mega þó eiga það að eins og síðast komu áttur upp á nánast hverjum einasta belg sem dreginn var upp. Það þarf þó nokkra lagni til þess. Það er spurning hvort halda þurfi námskeið í pökkun belgja. Stjarna var svo óheppin að hitta ekki á markið svo hún fær hina köldu DNF kveðju (ekkert persónulegt). 

Við eigum von á fleiri myndum frá þessari skemmtilegu keppni. Smellið á nánar til að lesa úrslit.

Xena bauð uppá brautina þetta kvöldið. Brautin var gamli góði Jói (7-baujan og Hjallasker) með örlítið tilbrigði í upphafi brautar. Kannski var það sérstakt við þessa keppni að þegar bátar drógu upp belg kom 8 upp á flestum bátum eða svokallaður brjóstahaldari. Tímamunur á milli Xenu og Dögunar vekur líka athygli, aðeins tvær sekúndur. Hefðu þetta verið samskonar bátar hefði Dögun haft skörun á Xenu þegar þeir renndu í endamarkið.  

Sumarmót verður haldið á kænum á Fossvogi og Skerjafirði laugardaginn 24.júlí 2010.

-Smellið á nánar til að lesa meira

Nú hefur eignarhald á Nauthólsvíkursvæðinu loksins komist í hendur Reykjavíkurborgar. Húsnæðið hafði áður verið í eigu Flugmálastjórnar síðar Flugstoða og nú þegar það er komið í hendur Reykjavíkurborgar ættu húsnæðismál siglingaíþróttarinnar að komast í það horf að vera borgarbúum til sóma á þessum fallega stað.

Undanfarið hefur verið unnið að því að ganga frá samningum við borgina um húsnæðið, á báðum stöðum, en það hefur gengið illa að semja um gámana á Ingólfsgarði. Rétt er að rijfa upp þá var aðstaða siglingaklúbbsins rifin til að byggja húsið sem nú heitir Harpa. Félagið var sett í gámana á meðan. Ekkert hefur gengið að fá úthlutað lóðarskika fyrir félagið. Sú vinna er nú hafin aftur með nýrri borgarstjórn og nýjum nefndarmönnum.

Á myndunum má sjá smiði á vegum borgarinnar vera að skipta um þak á húsunum í Nauthólsvík og félagsmenn hafa verið að helluleggja milli húsanna.

Ekki veitir af að laga aðstöðuna aðeins því það verður haldið stórt kænumót þarna næstu helgi.

Kjartan sendi okkur myndir sem hann tók á símann sinn ... jújú, þær eru líka teknar um borð í Dögun ... nú skorum við á aðrar áhafnir að taka myndir.

Hægt er að skoða myndasafn frá keppninni hér.

Það eina sem þriðjudagar eiga sameiginlegt er að þeir heita þriðjudagar og það er siglt ... oftast. Þessi þriðjudagur skar sig ekkert úr, ólíkur öllum öðrum ... eða þannig. Hér eru nokkrar myndir ...

Hér er skipulagið á framhaldinu. Sú skúta sem er með bestu stöðuna sér um næstu keppni og svo koll af kolli.

Hægt er að gera athugasemdir við röðina næsta þriðjudag eftir keppni ef einhverjar eru.

Það blés hressilega í þetta skipti enda lægð yfir landinu. Kænukrakkarnir misstu því af því að taka þátt á Sigurvon eins og annars stóð til. Dís sá um keppnisstjórn og lagði braut sem var auðvelt að leggja á minnið. Sigurborgin sótti hart að Xenu sem hafði þetta þó á endanum.

Hér er vídeó af startinu tekið með farsíma:

Smellið á 'nánar' til að skoða úrslitin.

Um fjórtán Brokeyingar tóku þátt í fjölmennum æfingabúðum Ýmis í Fossvogi sem lauk með Miðsumarmótinu núna á laugardaginn. ISAF-þjálfarinn Tom Wilson hafði yfirumsjón með þjálfun á æfingabúðunum.

Æfingum lauk svo með hinu árlega Miðsumarmóti þar sem keppt var í fjórum flokkum: Optimist A og B og opnum flokki 1(Topper Topaz og Laser 4.7)  og 2 (Laser Standard og Radial) með Portsmouth-tölu. Brokeyingar stóðu sig þar með miklum ágætum; náðu öðru sæti í Optimist A (Búi Fannar Ívarsson) og fyrsta sæti í Optimist B (Hrefna Ásgeirsdóttir) en Sigurður Sean, Nökkva, náði fyrsta sæti í Optimist A. Í opnum flokki 1 lentu Topazarnir í 3. og 4. sæti undir stjórn Björns Bjarnasonar annars vegar og Hilmars Páls Hannessonar og Huldu Lilju Hannesdóttur hins vegar. Þorlákur Sigurðsson, Nökkva, var í fyrsta sæti. Í opnum flokki 2 hélt Kári Steinarsson einn uppi merkjum Brokeyjar á Laser með Standard-segli og lenti í fimmta sæti en Nökkvamennirnir Björn Heiðar Rúnarsson, Gauti Elfar Arnarsson og Dagur Daníelsson röðuðu sér í efstu þrjú sætin.

Úrslitin í heild sinni er að finna á heimasíðu Ýmis hér. Fleiri myndir frá æfingabúðunum og Miðsumarmótinu er hægt að skoða hér og hér. Myndirnar hér eru fengnar að láni þaðan.